koi haalat nahin ye haalat hai
(4 votes, average: 4.5 out of 5)
Loading ...Click above to listen this ghazal in Jaun’s own voice.
koi haalat nahin ye haalat hai
ye to aashobnaak soorat hai
anjuman mein ye meri khaamoshi
burdbaari nahin hai wahshat hai
tujhse ye gaah gaah ka shikwa
jab talak hai basa-ganeemat hai
khwashien dil ka sath chhor gayiiN
ye aziyat badi aziyat hai
log masroof jaante hain mujhe
yaan mera gham hi meri fursat hai
tanz pairaa-e-tabassum mein
is takalluf ki kya zaroorat hai
hamne dekha to hamne ye dekha
jo nahin hai wo khuubsurat hai
waar karne ko jaanisar aayein
ye to eesaar hai inayat hai
garm-joshi aur is qadar kya baat
kya tumhein mujhse kuch shikayat hai
ab nikal aao apne andar se
ghar mein saamaan ki zaroorat hai
aaj ka din bhi aish se guzra
sar se paa tak badan salamat hai
Jaun Elia
To receive free updates on new Ghazal, Nazm and Mushaira postings, please visit subscribe for options.
WA JAUN ELIA,he was the great poet in urdu poetry,he came in this world only for poetry and he loved the books above all as he said himself, merey kamrey ko sajaney ki tamana hi tumhain
merey kamrey main katabon ke sava kuch be nahain.
he died 8 november 2002 in karachi,pakistan.
jaun elia ne kaha ke,
main be aajeeb hoon etna aajeeb ke bas
khud ko tbaha kar lyea aur mlaal be nahain.
GOD bless him.
I have put the transliterated version here:
http://fineurdupoetry.blogspot.com/2007/10/blog-post_07.html
yeah he was a great poet jeet but the last stanzas you wrote are wrong … its like
main bhi buhat ajeeb huun itna ajeeb huun k bus
khud ko tabah ker liya aur malaal bhi nahin